بمدەرێ ئیقرارە نابێ کورد وەها داوا بکا
از کتاب:
دیوانی شاهۆ
اثر:
شاهو (1882-1971)
1 دقیقه
911 مشاهده
بمدەرێ، ئیقرارە، نابێ کورد وەها داوا بکا
با بڵێ: دەرچن لە خاکم ئیددیعای خۆی وا بکا
خاکی کوردستان ئەساسەن موڵکی باوکی کەس نییە
«ماڵی کوردە»، ماڵی خۆی نابێ لە کەس داوا بکا
کەی ئەمانە خاوەنی مافن لە ماڵی ئێمەدا
کوردی مەرد عەیبە تەمەللوت بۆ شتی ئاوا بکا
کورد بەمانە وابڵێن باشە بە دەنگێکی بوڵند
بۆچ بەرۆکتان گرتووین؟ دەرچن تەڵەب ئاوا بکا
کاکی خۆم بێگانە نەبووە قەت بە خاوەن ماڵی کورد
کورد ئەبێ ڕۆڵەی گەلی خۆی ماڵی خۆی ئاوا بکا
کوردە شاهۆتخلص شارەزای ئەحواڵی کوردستانە گشت
ڕێگەتان پیشان ئەدا، کوردیش ئەبێ هەروا بکا