خوا خۆ تۆ خۆت خاوەنی کوردی
از کتاب:
دیوانی شاهۆ
اثر:
شاهو (1882-1971)
1 دقیقه
891 مشاهده
خوا خۆ تۆ خۆت خاوەنی کوردی
خۆت ئاگاداری کە بە نامەردی
لە دەشت و دەر و شاخ و ناوبەردی
چە جەورێک ئەکرێت لە گەورە و وردی
بە ماڵی فەلای کوردی ڕەش و ڕووت
ئەم نامەردانە خۆیان کرد بە لۆرت
ڕەببی تۆ بیت و ئیسمی ئەعزەمت
تۆ خۆشەویستی، فەخری، عالەمت
ئەمانەی کەوا دوژمنی کوردن
چەقۆ کولەرەی دەستی نامەردن
لە ناویان بەرە بە زووترین کات
لە زۆر و جەوریان ڕزگار کە وڵات
کوردەکان «یەک خە» تاکوو بە کۆمەڵ
دەستی برایی گشت بکەنە مل
پێکەوە یەک هێز ڕووکەنە دوژمن
ڕەگ و ڕیشەیان دەربێنن، لەبن
ئاواتی شاهۆتخلص زوو بێنەرە دیی
تا لە کوردستان بە خۆشی بژی