بۆ ئومێدی زیندەگانی قووتی غەم جەم جەم دەخۆم
از کتاب:
دیوانی عاسی
اثر:
ملا مصطفی عاصی (1885-1975)
1 دقیقه
695 مشاهده
بۆ ئومێدی زیندەگانی قووتی غەم جەم جەم دەخۆم
کەوتمە داوی پەرچەم و هەم زوڵفی پڕ خەم خەم دەخۆم
سەد کە دایم من خەریکی عەیش و نۆش و عوشرەتم
بۆیە بێتەئسیرە جانا میحنەتیش دەم دەم دەخۆم
جێژنی قوربانە سبەینێ وەختی وەسڵە بۆ تەواف
شەربەتی دیداری یار و چاوەیی زەم زەم دەخۆم
مەیلی وەسڵ و دەردی دووری کردییە ضيق النفسعربی
چیم لە ژیانە بۆ نەجاتی دەست هەناسەم سەم دەخۆم
یار ئەگەر چە جار بە جاریش خۆی نیشانی من ئەدا
بۆنی گوڵزاری کە ناکەم بەو دەماغەم غەم دەخۆم
قسمەتی ڕۆژی ئەزەل بوو عاسیتخلص غەمناکی ئەتۆ
ئەزیەت و جەور و جەفا و میحنەت و هەم هەم دەخۆم