خەڵکێک لە بناری کانی کەوە خستبوویان...
از کتاب:
ڕشتەی مرواری (بەرگی ٥)
اثر:
علاالدین سجادی (1907-1984)
1 دقیقه
454 مشاهده
خەڵکێک لە بناری «کانی کەوە» خستبوویان، گۆرانەکانی «کانی کەوە» هەموو جارێ بە شەو ئەچوون بۆ دزی و تاڵان کردنیان، کوڕێک لە خێڵەکە بوو، «هۆمەری خاتوون»ی ناو بوو، پیاوێکی ئازا و نەترس بوو. بە تاقی تەنیا بەرەنگاری لەشکرێکی ئەکرد، ئەوەندە هەبوو کە هەر جارە گۆرانەکان پەلاماریان ئەدان هۆمەر لە ماڵەوە نەئەبوو. جارێک پەلاماریان ئەدەن و کوردەکانیش بەرهەڵستیان ئەکەن. لەوانە ئەبی کوردەکان بشکێن و تاڵان بدەن بە دەستەوە، لەو کاتەدا قەرەنتووی هۆمەر لە دوورەوە دەرئەکەوێ، کوڕگەل کە چاویان پێ ئەکەوێ ئەمە ئەڵێن:
مانگەشەوە تەقلە دەوە
لەشکر گەییە کانی کەوە
هۆمەر خاتە زوو سەرکەوە
نەوەک بشکێن ئا بەم شەوە.