پیرێژنێکی بلباسەتی لە وەختی خۆیا بووە...

پیرێژنێکی بلباسەتی لە وەختی خۆیا بووە و لێی ئەقەومێ و لە ڕوویشی هەڵنایە داوا لە کەس بکا. ئەچێتە لای حەماغای کۆیە ئەڵێ: ئاغا! چەند ڕۆژێکە مشک لە ماڵەکەما نابینم! ئەترسم خانووەکەم ئاگری تێبەر بێ. «ئەمە قسەیەکە لە کوردەواریدا تاقی کراوەتەوە کە مشک شوێنێکی بە جێهێشت ئەوە ئەو شوێنە ئاگر ئەگرێ، بۆیە بەجێی دێڵێ» حەماغاش ئەڵێ: بچۆ ئەوە دووبارە گەنم و بارێک برنج و هیزەیەک ڕۆن بەرە. با ئاگری تێ بەر نەبێ!