ناوەری وە دڵ ماوەروو نە دڵ
از کتاب:
دیوانی مەولەوی
اثر:
مولوی (1806-1882)
1 دقیقه
749 مشاهده
ناوەری وە دڵ ماوەروو نە دڵ:
من جە مەیلی تۆ لادێ بوو غافڵ
وە دیدەی مەخموور شیرین تەرزی تۆ
وە نەشئەی شێوەی باڵای بەرزی تۆ
نە شێخ، نە مەڵڵا، نە قازی ڕووی شەرع
نە سۆفی و عابید ئەهلی تەقوا و وەرع
نییەن داخی تۆش نەبۆ نە تۆی دڵ
موشکوڵەن ئازیز جەمین پەڕەی گوڵ
وە تیری تانەی ڕەقیبی دڵسەنگ
بینایی دیدەم خاتر مەکەر تەنگ
ئارێ واجبەن تانەی بەدکاران
پەی گەرمیی بازاڕ عەشقی دڵداران
نسیوی هەرکەس موبتەلای یارەن
زۆلانەی زنجیر، قەتڵی سێدارەن