جە نۆ بونیاد کەرد
از کتاب:
هەوارگەی دڵان
اثر:
سید طاهر هاشمی (1915-1991)
2 دقیقه
532 مشاهده
جە نۆ بونیاد کەرد ...
فەڵەک مەینەتان جە نۆ بونیاد کەرد
ڕەنجم جە هجران باڵات بەرباد کەرد
دڵ ودین بێنرخ، دەروون ناشاد کەرد
وێت بێ مەیلەنی، فەڵەک چکارەن
یەگشت جە سەودای خەم و پەژارەن
پەژاران سەخت، دەرد دووری لەیل
خاشاک هەستیم داماڵا چون سەیل
تەریدەی دەردان، وەشیم بەرد وە باج
سپای خەم کاری شادیم کەرد تاراج
نە مەستیم مەستی، نە ڕەندیم ڕەندی
نە چۆنیم چۆنی، نە چەندیم چەندی
نە شێعرم مەوزوون، نە قافیەم کافی
نە ویرم دروست، نە زەینم سافی
نە مەزموونم وەش، نە مانام دڵکەش
نە کاڵام ڕایج، نە نەقدم بێغەش
نە چوون سەرمەستان جام لاهووتی
نە چوون بێحاڵان موڵک ناسووتی
نە چوون عاشقان شۆخ شاهد باز
نە چوون عارفان چە نی حەق دەمساز
نە ڕۆحم جە مەی تەوحید سەرمەستەن
نە بادەی تەسلیس زوننار پێم بەستەن
نە چوون قەلەندەر پۆس خەم وە پێڵ
نە وێنەی دەردین لێوەی ئەراگێڵ
وێڵ وێڵ مەگێڵوو بێهۆش سەرسام
نە ساتێ ڕاحەت، نە لادێ ئارام
نمەز مایەی من جە حەیات چێشەن
حەیاتی وەیتەور، چ کەڵکی پێشەن؟