ce no bunyad kerd
From the Book:
Hewargey Diɫan
By:
Seyyed Taher Hashemi (1915-1991)
2 minutes
726 views
ce no bunyad kerd ...
fełek meynetan ce no bunyad kerd
řencim ce hicran bałat berbad kerd
dił widîn bênirx, derûn naşad kerd
wêt bê meylenî, fełek çikaren
yegişt ce sewday xem û pejaren
pejaran sext, derd dûrî leyl
xaşak hestîm damała çun seyl
terîdey derdan, weşîm berd we bac
sipay xem karî şadîm kerd tarac
ne mestîm mestî, ne řendîm řendî
ne çonîm çonî, ne çendîm çendî
ne şê’irim mewzûn, ne qafyem kafî
ne wîrim dirust, ne zeynim safî
ne mezmûnim weş, ne manam diłkeş
ne kałam řayc, ne neqdim bêẍeş
ne çûn sermestan cam lahûtî
ne çûn bêḧałan mułk nasûtî
ne çûn ’aşiqan şox şahd baz
ne çûn ’arfan çe nî ḧeq demsaz
ne řoḧim ce mey tewḧîd sermesten
ne badey teslîs zunnar pêm besten
ne çûn qelender pos xem we pêł
ne wêney derdîn lêwey eragêł
wêł wêł megêłû bêhoş sersam
ne satê řaḧet, ne ladê aram
nimez mayey min ce ḧeyat çêşen
ḧeyatî weytewr, çi kełkî pêşen?