نامە بۆ بێ کەس
از کتاب:
دیوانی ئەسیری
اثر:
اسیری (1895-1962)
1 دقیقه
642 مشاهده
نووری چاوم کاکە فایەق ڕوحەکەم هیوایی گەل
پۆستە، نامەت ناگەیێنێ فەرموو بێ بۆ خانی تەل
خۆشەویستیی گەل کە کاری کردە مەژگ و مۆخ و ڕەگ
بیری پێ ناوێ بەخۆی هەڵبەت ئەنووسێ، دەست و پەل
عەشقی میللەت پێم دەڵێت و پێم دەنووسێ ڕۆژ و شەو
گەرچی داماوم لەداخا دەردەدارم بوومە شەل
تاک و تەنها غەمخۆری نیشتمانی پاکی کوردی گورد
بوومە نیشانگا وەکو دارەبەنی لێواری کەل
سەروەرم ڕوحی شیرینم هێز و توانایی لەشم
ئێوەن ئەمڕۆ بەڕاستی، پێک هێنەری فەرمانی گەل
تۆو هەواڵانت پڵنگ و شێر و بەبرو پارسن
چی لە مەللایی کزو بێ دەست و بەستەزوانی مەل
هەر بەیادی ئێوەیە مانی ئەسیریتخلص دەربەدەر
بەردی ئێوە تێک ئەدا پۆل و بڕی بەدخواهی قەل