دڵم پەژموودەیە ئێستێ دەخیل موتریب سەدایێ بێ
از کتاب:
دیوانی سافی هیرانی
اثر:
صافی هیرانی (1873-1942)
1 دقیقه
1171 مشاهده
دڵم پەژموودەیە ئێستێ دەخیل موتریب سەدایێ بێ
لەدەس هیجرانی یارم نیونەفەس ماوە وەفایێ بێ
لەباتی شادی و خۆشی گەلێ بێمار و غەمناکم
مەگەر بەم لاوک و حەیران و نیوەشەو بۆم شفایێ بێ
غەمی هیجرانی تا کەی بێ، سەدای نەی موتریبا، سا دەی
بەیات و شوور ماهوور و قەزاز و دەستگایێ بێ
بەبێ ئاوازی تۆ ئەسڵا نییە چارەی دڵی شەیدا
دەخیل دەنگی سەبا، ڕاست و حیجاز و چارگایێ بێ
لە پاش مردن وەسییەت بێ لە جێی یاسین و تەڵقینم
سەدای دیوان و عورفا و دەنگی کورد و قوریایێ بێ
بە دەستی ئەو حەبیبە گەر ئەمن مردم شەهیدێکم
گەواهیم خوێنە فەردا ناهەقە کەس ئیدەعایێ بێ
ڕەجا کەن تۆ خودا یەک دەم کە یار بێتە سەرینی من
بڵێ کوشتەی منە سافیتخلص ئەگەر چی بێ خەتایێ بێ