ئەوا غەزوی غەمی بۆ غارەتی دڵ کردە یەلغارە
از کتاب:
دیوانی سافی هیرانی
اثر:
صافی هیرانی (1873-1942)
1 دقیقه
1341 مشاهده
ئەوا غەزوی غەمی بۆ غارەتی دڵ کردە یەلغارە
وەکوو هەیهاوی عاڕەب سا عەشیر و عێلە هاوارە
مەڵێن دڵ بێ هەوار و ترسەنۆکە با بە تاڵان چی
لە لای خۆیشی عەگید و خانەدان و یێکە سالارە
ئەما چ بکا لەگەڵ بەختی ڕەش ئەو چەرخی کەچ ڕەفتار
کە سەرعەسکەر بە دائیم بۆ سوپای غەم فیرقەتی یارە
هەزاران قۆشەنی غەم بی، بەبێ سەرعەسکەری یارم
دڵی دیوانە هەڵنایێ ئەگەر بیکەن بە سەد پارە
وەلێ بێچارەیە ئەمڕۆ حیمایەی لازمە بۆتان
نەوەک عالەم بڵێ عێل و عەشیرەت بووینە بێکارە
لە بەختی ئێمەدا ئێستێش بە عەیب و عارە وا یاران
خوسووس لەم وەختەدا چونکی لە چەند جێوە بریندارە
وەفای عالەم نەما، غیرەت خەلاس بوو سافیتخلص ئێستێکە
بە تاقە سوارە دڵ چ بکا، کە جەیشی غەم بە ملیارە