گوڵی هیوا

خەیاڵەکەم،
ئەسیرێکی تەلیسمییە،
لە گۆمی چاوەکانتا...خەیاڵەکەم،
پەپوولەیە،
دەڕوا، دەفڕێ بەرەو بەیان،خەیاڵەکەم،
ئاسکۆڵەیە
لە زەنوێری کوێستانی دڵ،
لە بۆنی گوڵ - گوڵی هیوا -
وا مەست ئەبێ،
کە من لە خەم ڕزگار ئەکا...خەیاڵی من،
گشتی ئەتۆی!
ئەتۆ کچی خودای جوانی!
ئەتۆ کیژی موکریانی!
بەڵام ئەتۆ!
بیر و بڕوا و خەیاڵی تۆ،
دیلی داوی خۆپەرەستین،
هەرگیز لە فیکری مندا نینبەڵام هاوڕێی خەیاڵەکەم - گوڵی هیوا -
ماڵی ئاوا
لەگەڵ منە تاکوو دەمرم
تاکوو لە ئامێزت دەگرم