ئاگر و سۆهتن
از کتاب:
شەفاق
اثر:
جگرخون (1903-1984)
2 دقیقه
671 مشاهده
ئاگرێ دەردێ تە ئیرۆ، سوهتمە وەک پرپریک
ئاورێن وان هەردوو چاڤان، دل ڤەکرنە سەد بەریک
سەد دەری دادان ل بەر من، دا کو نەگهێم دلبەرێ
قەت نکاریبوو ڤەکم، ئەز ل بەر خوە یەک دەریک
من د دەستێ گولفرۆشان، دی گولەک رووگەش بکەن
مال و جان من دان بهایێ، سۆرگولا گەش بێ شریک
من نزانی کۆ ل هاویر، وێ هەنە خار و کەلەم
بوویە چل سال کۆ ب وێ، خارێڤە ئەز مایم خەریک
من دخوەست ئەز بین بکم، وێ سۆرگولا نازدار و گەش
لێ ژ دەستێ من رەڤاندی، سۆرگولا من سەرسەریک
پیر و کالم ئەز، نکارم، ژێ بخوازم وێ ب زۆر
من ب لاڤلاڤ دایە پەی وی، نادی دەست من ئەو پەریک
من ل نێڤ ڤان شاخ و دەشتان، چاندبوون هن: نیسک و نۆک
چیقرەشان جارەک ل سەر، دانین و خوارن هێژ فریک
ناڤبەرا هەردوو چەمان، قادا م بوو، لێ ئەز چکم
دژمنێ دژوار و سەردەست، نادی دەست من: ئۆمەریک
گارسێ ئاڤی مە چاند و، سەربلند بوو، زوو گها
لێ ژ هاویر رەف ب رەف، دانین ل سەر چووک و چڤیک
گارسەک بێ هارسەک ئەز، دێ چ بێنم بێندەرێ؟
کۆچ و کەروان تێن د بەرڤە، ژێدکن هەر یەک سەریک
من دل و گورچک کریبوون، کۆ ژ بۆ خۆ بکمە شیڤ
کووچک و تاژی و تۆلا، تەڤ برن، ما کەرکەریک
کیلوەک نانێ گەنم، کۆ من ژ نانپێژان کری
پارسەک و کۆر و کولەک، ئەو تەڤ رەڤاندن، ما کەریک
ئەی جگەرخوینتخلص، کا ژ ڤێ ژینێ، چ زانی ئەزبەنی؟
شۆخ و شەنگە، پر چەلەنگە، نازدار و سورپەریک