ئەز گرتی و دیلم

تیران درەشێنی
تو ل دل بەگلەر
و میرێ!
دل گازی و قێرینە
ژ بەر گەزمە
و تیرە
سهـ سالە د بەندا
تەدە ئەز گرتی
و دیلم
گوهـ نادی گلی
پادیشەهـ و ژیر
و وەزیرێ!
جارەک تو ل بەر
جامێ تەماشا
بکە برهان
بەلکی تو ب سایا
بروان من
بخی بیرێ
جارەک ژ سەرایێ
وەرە زندانێ
مە دیلان
پرسەک ژ تە جانا!
ڤەدکی بەندک
و نیرە؟
فەرمان بکە جارەک
کو ل دەرگاهێ
تە روونم
دا سەر بهەژێنم
ژ تەرە ئەی
شەهـ و ژیرێ!
سەیدایە جگەرخوونە
ژ دەردێ تە دنالی
داخواز چیە زانی
مە ژ ڤێ گازی و قیرێ؟