سەروەبەژنێ
از کتاب:
شەفاق
اثر:
جگرخون (1903-1984)
2 دقیقه
419 مشاهده
دەلال و رند و شێرینێ! وەرە نک من شەڤا ئینێ
وەکوو زەهرا و پەروینێ، کو خانی تێکدە گولشەن بی
سەروو وەک بەژن و بالێیە، بروو وەک نوون و دالێیە
دلێ من تم ل بالێیە، وەرە، کۆ شەڤ ب رەوشەن بی
شەڤا تاری ب من گەش بی، ب بینا تە مە دلخوەش بی
بلا خانی ب لالەش بی، سەنەم، دێم و لەب و چەن بی
ببۆسن ئەز، دەڤ و لێڤان، هەرم ناڤ بەخچەیێ سێڤان
ل سەر چاڤێن مە بی مێڤان، خەلاتا من ژ گەردەن بی
ئەگەر راستە ئەڤینداری؟، ل دەنگێ من تو گوهداری
وەرە جارەک ب نازداری، بلا خۆش و شەکەرکەن بی
بلا تم کەن ژ شوککەر بی، بلا دلخواز و دلتەر بی
کەوا کەسک و کراس زەر بی، سوروشت و هۆر و بێ تەن بی
وەرە دا ئەم ببن مەینۆش، د خانیدە ببن سەرخۆش
کو ئەم هەردو ببن ئاگۆش، ئەڤینا مەوەکفەن بی
خوەزی جارەک بهاتا ڤر، ببۆسا من چەنا وەک دور
ل دل ئاگر ببوونا گور، بلا گەردەن د نێڤ بەن بی
وەرە ئەز تە بکم هەمبێز، ژ وان لێڤێن شەکەرئامێز
شەرابێ ئەز ڤەخوم هەرگێز، کو دل کەسرا و بەهمەن بی
وەرە ئەی شاهـ و خانێ من! تو تۆپان بەردە جانێ من
دەما کۆ بێ جڤانێ من، بلا من دل ب لۆندەن بی
بلا سەربەست و ئازاد بن، بلا دلخۆش و دلشاد بن
نە وەک: شێرین و فەرهاد بن، بلا ناڤێ تە: سەوسەن بی
وەرە دا ئەز ببم گۆری، کو رامیسم تە ئەز هۆری
کو جەنگێ خوەش بکن مۆری، بلا دل رەگێ بێژەن بی
مەیا لێڤان، کو بێ خەش بی، جگەرخوونتخلص پێ ب سەرخوش بی
دلێ من تەڤ ب ئاتەش بی، کو ئەڤ ئۆلا مە نووژەن بی