مرۆڤم ئەز نە هۆڤم
از کتاب:
شەفاق
اثر:
جگرخون (1903-1984)
1 دقیقه
657 مشاهده
ل سەر تەختێ دلم روونە تو زانم!
مابینە، کۆ هەمی: ئار و دوخانم
تو جانێ من ژ من مەستینە جانم!
مرۆڤم ئەزنە هۆڤم ئەزنە جانم
وەکە قەسرەک بلندم ئەزنە خانم
ب شاهیوەر تو روونە شاهـ و خانم!
ئەڤینا تە دلێ من تەڤ دسۆژی
ژ بەر «نا » تە نەخۆشم دلگرانم
ژ وان لێڤان ب هێڤی و خوەزیمە
ل بەر دەریا ئەڤینا تە شڤانم
وەرە رۆنی، مرۆڤم گەر تو روونی
شەڤا تاری ل من خوەشکی جوانم
تە رەشبسکێن ژ مسکێ رەنگێ داڤن
ژ بەر وان دل ب قێرین و ئەمانم
وەرە بیناهیا چاڤان بنێرە
تو دەکتۆری، ڤەنێرە ئەز کوسانم؟
دو رەشماران دلێ خەمگین گەزینە
د ژینێ ئەز د ناڤ کۆما دزانم
تو شاهی، وەر ب شاهی ئەم ببن دۆست!
ئەگەر روو وەک گولا سۆری، گولانم
وەرە خانم ل مەیخانێ دوخانم
ل سەر هەردوو رەخانم وەک رەخانم
دەلالێ وەر شەرابا دەڤ بنۆشم
نە سەرخۆشم، نەخۆش و جەنگرانم
جگەرخوونتخلصم، ژ «نا» تە ئەز دنالم
شکەستیمە وەکوو: دال و کەڤانم