مامۆسای سەر ئێڵ شیرین کەلامان
از کتاب:
دیوانی مەولەوی
اثر:
مولوی (1806-1882)
1 دقیقه
513 مشاهده
مامۆسای سەر ئێڵ شیرین کەلامان
تەشریفی خەیرت باوەر وە لامان
نە شنۆی بەدکار، نە بۆی بەدوازەن
وەحشییان هەمراز، تەیران دەم سازەن
شەتاوان چون سەیل دیدەمەن جاری
پێچ مدان چەنی زامانی کاری
تۆ نە سەرگوزەشت سزای دەردی لەیل
من نە حیکایەت ئازیزی بێمەیل
ساتێ پەی وێما بنیشمێ وە شاد
بەو ڕازانەوە خەم بدەین وە باد
تا فەڵەک دیسان نەی ڕاگوزەردا
بوینمێ چێشش ها نە ژێر سەردا