دوڕڕەن مەرجانەن
از کتاب:
دیوانی بێسارانی
اثر:
بیسارانی (1643-1702)
1 دقیقه
531 مشاهده
دوڕڕەن، مەرجانەن ...
لاڵەن، یاقووتەن، دوڕڕەن، مەرجانەن
چە دوڕ، چە مەرجان، تەمام مەرجانەن
گەنجی پڕ مایەی نابوود خەرجانەن
دیدەش جە دیدەی ئاهووانی بەڕ
مەر نەزان هاڵان بووزانش وە گەڕ
قولاپی ئەڵماس موژەش یەند گیران
مەستانۆ ئیمان جە دەستی پیران
چێش واچوو زوڵفش موشکەن یا عەنبەر؟
موشک و عەنبەرش وستەن نە چەنبەر
بەڵێ شەرت ئێدەن یەکێش مەجنوون بۆ
یەکێ پەی دینش دەروون پڕ هوون بۆ
پێسەن ڕا و ڕەوشت پەی لەیلی دینان
تا کە مەجنوونێ بە چەم بوینان