duřřen mercanen
From the Book:
Dîwanî Bêsaranî
By:
Mustafa Besarani (1643-1702)
1 minutes
557 views
duřřen, mercanen ...
lałen, yaqûten, duřřen, mercanen
çe duř, çe mercan, temam mercanen
gencî piř mayey nabûd xercanen
dîdeş ce dîdey ahuwanî beř
mer nezan hałan bûzanş we geř
qulapî ełmas mujeş yend gîran
mestano îman ce destî pîran
çêş waçû zułfiş muşken ya ’enber?
muşk û ’enberş wisten ne çenber
bełê şerit êden yekêş mecnûn bo
yekê pey dînş derûn piř hûn bo
pêsen řa û řewişt pey leylî dînan
ta ke mecnûnê be çem bwînan