چراغم جە ویر
از کتاب:
دیوانی بێسارانی
اثر:
بیسارانی (1643-1702)
1 دقیقه
570 مشاهده
چراغم جە ویر ...
جە دمای مەردەن نمەشیم جە ویر
ئەگەر وە گڵکۆم ڕات گنۆ تەقدیر
سەنگی ئەڵحەدم مەبۆت دامان گیر
زنهار نە گڵکۆم پا نەکەری کەم
ڕۆحی ڕەوانم مەدارۆت بە چەم
نەواچی مەردەن هانە ژێری گڵ
هێمای داخی تۆم بەر نەشیەن جە دڵ
ئەوڕۆ جە ئەڵحەد سەر مارۆ وە بەر
وە مەیلی تۆوە مەشوون وە مەحشەر
جە بۆنەی تۆوە بەهەشت مەدان پێم
وەرنە چە کارەم؟ کێ زانۆ من کێم؟