جەمینش سافەن
از کتاب:
دیوانی بێسارانی
اثر:
بیسارانی (1643-1702)
1 دقیقه
879 مشاهده
جەمینش سافەن ...
شەخسێ چوون ئافتاب، جەمینش سافەن
سەرتاپای باڵاش موشکین کڵافەن
جە بێ ئینسافی نامش ئینسافەن
ئەر مەبێش زەڕڕە ئینساف نە دڵدا
نمەداش دەستەی سونبوڵ وە گڵدا
مەودای موژانش مێڵ ساو نمەکەرد
پێشان عالەمێ بێ خاو نمەکەرد
هێشتای بە شەراب غەمزە و ناز فرۆش
پەی چێش مبەرۆش دیدەی وێش جە هۆش؟
ئەڵڵا بە حاجەت دیدەی پێغەمبەر
بە موعجیزەی دەست درازی حەیدەر
ئەو شۆخی زەریف سافی سیم ئەندام
نەدارۆ ئینساف پەنەش نیەن ڕام
زەڕیۆ ئینسافش دەری نە دەروون
تا دەردینانش سەر نەنیان وە هوون