cemînş safen
From the Book:
Dîwanî Bêsaranî
By:
Mustafa Besarani (1643-1702)
1 minutes
1150 views
cemînş safen ...
şexsê çûn aftab, cemînş safen
sertapay bałaş muşkîn kiłafen
ce bê însafî namş însafen
er mebêş zeřře însaf ne diłda
nimedaş destey sunbuł we giłda
mewday mujanş mêł saw nimekerd
pêşan ’alemê bê xaw nimekerd
hêştay be şerab ẍemze û naz firoş
pey çêş miberoş dîdey wêş ce hoş?
ełła be ḧacet dîdey pêẍember
be mu’cîzey dest dirazî ḧeyder
ew şoxî zerîf safî sîm endam
nedaro însaf peneş nyen řam
zeřyo însafiş derî ne derûn
ta derdînanş ser nenyan we hûn