ئارۆ شیام دیم ڕەنگی خەزانان
از کتاب:
دیوانی بێسارانی
اثر:
بیسارانی (1643-1702)
1 دقیقه
1246 مشاهده
ئارۆ شیام دیم ڕەنگی خەزانان
حاڵێشان نیەن، ئێمە نەزانان
دیم بە تەرزەوە خەزانێ بەی تەرز
تەمام حاڵی وێش پەرێم کەردش عەرز
پەرسام یە چێشەن ئی زەردی خەزان؟
وات مەیۆم نە خاو جیایی تەرزان
واتم من و تۆ هەردوو جەستەمان
ئیش مەکەران زام ماران گەستەمان
تۆ جیا جە تەرز، من جە باڵایێ
تەڕتەر جە نەرگس، سەوڵی ئاڵایێ
داخی جیایی نەو تووڵ نەمامان
تۆ نە خاوت دی، من پەنەم ئامان