گەر خەڵقی جیهان یەکسەرە فەریادڕەسم بێ
از کتاب:
دیوانی حاجی قادری کۆیی
اثر:
حاجی قادر کویی (1816-1897)
1 دقیقه
695 مشاهده
گەر خەڵقی جیهان یەکسەرە فەریادڕەسم بێ
وەڵڵاهی مەپوندار بە غەیری تۆ کەسم بێ
وا سۆزی دڵم ئاگری بەرداوەتە جەرگم
تۆقیوە هەناسەش نەفەسێک هەمنەفەسم بێ
مورغی سەحەرم باڵ و پەڕی وەحشەتی ڕێگەی
هەستان و فڕینم یەکە چەرخیش قەفەسم بێ
نادەم بە هەموو موڵکی سولەیمانی زەمانە
لەم عالەمە ڕووتی چییە هەر گا هەوەسم بێ
هەر شەو بە دزی نەغمە لە سەر سیدرە دەکێشم
با سابیت و سەییارەیی گەردوون عەسەسم بێ
حاجیتخلص کە نیگارم سەفەری کرد و نەمردم
عەیبم مەکە وەک هاتەوە ئەم شەرمە بەسم بێ