لە دوو لا ئەژدیهای زولفی لە گەنجی حوسنی ئاڵاوە
از کتاب:
دیوانی حاجی قادری کۆیی
اثر:
حاجی قادر کویی (1816-1897)
1 دقیقه
979 مشاهده
لە دوو لا ئەژدیهای زولفی لە گەنجی حوسنی ئاڵاوە
لە لایەک عاقڵم ئەمما لە ئەو لاوە تەمەع خاوە
لە بۆ مەردوم وەها چاکە کە ماڵی خۆی لە بەر چاو بێ
وەکوو چاوم لە دنیا دا ئەگەر مەحسوولی هەر ئاوە
لە ژووری ئاوی مووسایە، لە خواری ئاگری توورە
عەجایب خەتتی فیرعەونی نە خنکاوە و نە سووتاوە
ئەگەر چاوم لە دوڕباری نە عەینی ما نە ئاساری
لە دینی ناکەوێ چونکە نیشانەی خاڵی هەر ماوە
ئەمێستێ مووری خەتتی ماچ بە وەجهی توحفە گەر بێنێ
ئەگەر لاقی کولەی پێ دا سولەیمان خاتەمی داوە
بە سەر ڕووما دەیێ تابووری ئەشکم بۆ مەدەدکاری
کە دیتم قەلعەیی حوسنت سوپای خەت مەحسەرەی داوە
یەقین مورغی دڵم حاجیتخلص لە داوی زولفی دەرناچێ
هەتا ئەم خاڵە موشکینە مەکانی عەنبەری خاوە