بەندی قەیدی هیجرەتم ئەی سەروی ئازادم وەرە
از کتاب:
هەوارگەی دڵان
اثر:
سید طاهر هاشمی (1915-1991)
1 دقیقه
723 مشاهده
بەندی قەیدی هیجرەتم ئەی سەروی ئازادم وەرە
زار و غەمباری جەفام، دڵداری دڵشادم وەرە
گەر لە عیلمی عاشقی وا هیچنەزان و کاهیلم
زوو بە عیشوەی چاوەکانت کە بە ئوستادم وەرە
من زەلیلی دەستی جەوری ناکەسانی سوفلەخووم
کەلبی دەرماڵی ئەتۆم ئەی غەوسی بەغدادم وەرە
ها لەدووم کەوتن بە هووها و لەعنەت و بەرد و جنێو
گیان و ماڵم بێ فیدات سا مەحزی ئیمدادم وەرە
من لە ڕێ وێڵم لە سارای گومڕەهیدا سەرنگوون
بێکەس و خوار و مەلوولم، قوتبی ئیڕشادم وەرە
بۆ شیفای زامی دەروونی پڕ لە زووخم مەرهەمێ
بۆ سەفای حاڵی حەزین و ڕەنجی بەربادم وەرە
بۆ خەلاسی تاهیرتخلصی مەحزوون لە حیرمانی ویساڵ
چاوەنواڕی لوتفەکەی تۆم خۆت بخە یادم وەرە