کە تۆ هەستای بە تەرکم من لە داخا جێبەجێ کەوتم
از کتاب:
هەوارگەی دڵان
اثر:
سید طاهر هاشمی (1915-1991)
1 دقیقه
1238 مشاهده
کە تۆ هەستای بە تەرکم من لە داخا جێ بە جێ کەوتم
دەمێ دەستت نەگرتم تا بە مەحروومی لە پێ کەوتم
هەتا دڵداری من بووی بۆ ڕەزای تۆ بەخت ئەبوو گیانم
کە دڵ بەرداری من بووی موفلیس و بێ خانەخوێ کەوتم
وڵاتی ئارەزووی وەسڵت بەهەشت و دەشتی گەشتم بوو
ئەمێستا وێڵی هیجرم خەڵکی کوێ بووم وا لە کوێ کەوتم
وتم ئەی دڵ: دە ڕێ کە، ڕێ کە، ڕێ کەوتی لەگەڵ مندا
بەڵام حەیفم لە دەردی تەرکی ڕێکەوتت لە ڕێ کەوتم
تەلەف بوو هەر بە باس و هات و چوو ئەمڕۆ و سبەی عومرم
لە ترس لەرزی جوابە تاڵەکەی پێری و دوێ کەوتم
لە بەحری عیشقدا وەک گەوهەرێکی زۆر بە قیمەت بووم
وەکوو بەردیش خەریدارم نییەن ئاخ دەستی کێ کەوتم
لە داوی میحنەتی هیوای خەلاسیم موشکڵە تاهیرتخلص
هەموو تاوانی دڵ بوو، بێ گوناه بەمجۆرە تێکەوتم