ڕەببی تۆ بۆ چی منت ڕیسوا کرد
از کتاب:
دیوانی مەزڵووم
اثر:
مظلوم (1916-1955)
1 دقیقه
333 مشاهده
ڕەببی تۆ بۆ چی منت ڕیسوا کرد
لە موڵک و میللەتت منت جیا کرد
بۆچی بە جارێ کەسیفت کردم
لە فەیز و ڕەحمەت موفلیست کردم
تانەی ئەغیار کەوتووە بە بار
بە دڵی حەزین لێت ئەکەم هاوار
شیفای دەردم لای تۆ مەوجودە
لە دنیا و ئاخر هەر تۆم مەقسودە
بەحری کەرەمت بۆ نایەتە جۆش
زەڕەیەک بەخشی بە منی بێهۆش
گەرچی من عاسی و خەجاڵەت بارم
ڕوو زەرد و مەحجوب زۆر شەرمەزارم
لە موڵکی تۆ دام هەر لەوێ ئەمرم
بە ڕووی ڕەشەوە دیوانت ئەگرم
غەرقی عسیانم دێمە حزوورت
بۆ تاوانبارە ئیسمی غەفوورت
خوایە بە جاهی شای بوراق سوار
خۆشبە لە جورمی مەزڵوومتخلص ی هەژار