ڕۆشنی دیدەم سەرمایەی ژینم
از کتاب:
دیوانی مەولەوی
اثر:
مولوی (1806-1882)
1 دقیقه
924 مشاهده
ڕۆشنی دیدەم، سەرمایەی ژینم
مەزەی بەزمی کەیف دڵەی خەمینم
سا کە من بێتۆ نەسپەردم ئەڕوا
سەر نەنیام نە سای ئەڵحەد بێپەروا
چۆن واچوون وەفام هانە تۆی دڵدا
وەفام هەم جەرگم بدەن وە چڵدا
تاقیق من جە سەنگ سەرسەختیم باڵان
مەزرەعەی خارج ئینسانیم کاڵان
وەرنە من وەی تەور کێشام سزا و دەرد
ئەگەر سەنگ بیا مەکەردش وە گەرد
دەک ئەجەل وە دام هیجران بەستەبۆ
سەرتاپاش وە نێش زامان خەستەبۆ
پێم نە نۆشا مەی پیاڵەی مەردەن
ئیسە من سەر ژان، دڵ سەردان کەردەن