řoşnî dîdem sermayey jînim
From the Book:
Dîwanî Mewlewî
By:
Mawlawi Tawagozi (1806-1882)
1 minutes
979 views
řoşnî dîdem, sermayey jînim
mezey bezmî keyf diłey xemînim
sa ke min bêto nesperdim eřwa
ser nenyam ne say ełḧed bêperwa
çon waçûn wefam hane toy diłda
wefam hem cergim biden we çiłda
taqîq min ce seng sersextîm bałan
mezre’ey xarc însanîm kałan
werne min wey tewr kêşam siza û derd
eger seng bya mekerdiş we gerd
dek ecel we dam hîcran bestebo
sertapaş we nêş zaman xestebo
pêm ne noşa mey pyałey merden
îse min ser jan, dił serdan kerden