لە سینەی چاکی خۆت وەک شانە خەتتی مووبەموو بێنە
خەتی مووبەموو
از کتاب:
دیوانی حەریق
اثر:
حریق (1856-1909)
1 دقیقه
417 مشاهده
لە سینەی چاکی خۆت وەک شانە خەتتی مووبەموو بێنە
نەڵێن تا غەیبەتە باسی جەماڵی ڕووبەڕوو بێنە
جزووبەندی کتێبی عومر و شیرازەی سەحیفەی دڵ
بە ڕیشتەی ئولفەتی جانانە گەر ئازای دەزوو بێنە
تەهاڕەتیان بە خوێنی جەرگە مەردانی ڕەهی مەقسوود
هەتا قەترێک لە چاوتا ماوە تۆش ئاوی ووزوو بێنە
نەوەک مەیخانە خاڵی بێ هەتا پیری موغان ماوە
سەرم قوربانت ئەی ساقی گەلێ تینووم سەبوو بێنە
کتێبی ئولفەتی جام و شەرابی جەرگی نامەردان
دەخیلت بم وەرە موتریب ڕوبابت زووبەزوو بێنە
دەهانی شیشە بەستە، سوحبەتی نائەهلە لەم بەزمە
موغەننی تۆ نەوای ناکەت لەناو پەردەی گەروو بێنە
دەڵێن بەردی ئەجەل میناشکێنە و تەفرەقە خێزە
حەریقیتخلص تۆش ئەگەر شێت نی دەسا بارێ کەدوو بێنە