دیاکەی وە شەرم جە پەنجەرەی ناز
از کتاب:
دیوانی مەولەوی
اثر:
مولوی (1806-1882)
1 دقیقه
631 مشاهده
دیاکەی وە شەرم جە پەنجەرەی ناز
تاتا ڕیشەی جەرگ بەراوەرد وە گاز
پەترۆی زامەکەم هەم لابەردەوە
وەخت بی ساڕێش بێ تازەش کەردەوە
تیرێ هەوادا وە پەنجەی بێگەرد
دا نە پەڕەی دڵ تا سۆفار ویەرد
لاوی هوون گۆلاو دەروونم کەرد کەیل
سەرواز کەرد جۆشا نە دیدەم چون سەیل
خاشاکی هەستیم هورگرت جە ناو بەرد
وستش نە گێجاو تەنوورەکەی دەرد
ئیسە ها نە تۆی بەحرەکەی بێپەی
ساقی جەو جامە، یا، ها دات بە کەی
وە قەترەی منیچ ئاویاری کەر
مەست بوو تا مەحشەر سەر باروو ئەو بەر