dyakey we şerim ce pencerey naz
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
928 Dîtin
dyakey we şerim ce pencerey naz
tata řîşey cerg berawerd we gaz
petroy zamekem hem laberdewe
wext bî sařêş bê tazeş kerdewe
tîrê hewada we pencey bêgerd
da ne peřey dił ta sofar wiyerd
lawî hûn golaw derûnim kerd keyl
serwaz kerd coşa ne dîdem çun seyl
xaşakî hestîm hurgirt ce naw berd
wistiş ne gêcaw tenûrekey derd
îse ha ne toy beḧrekey bêpey
saqî cew came, ya, ha dat be key
we qetrey minîç awyarî ker
mest bû ta meḧşer ser barû ew ber