تاک و تەنیا دێمە ناڵە و باسی دڵدار و غولاما
از کتاب:
دیوانی ڕاجی
اثر:
راجی (1912-1969)
2 دقیقه
101 مشاهده
تاک و تەنیا دێمە ناڵە و باسی دڵدار و غولاما
ئەیخەمە مل سونبول و گوڵ، دڵ ئەبینێ خۆی لە جاما
تۆش گرفتاری وەکوو من، دوور لە قاوانی عەواما
«يا نَديمي قُمْ بلَيلٍ وَاسقِني، وَاسقِي النَدامى»عربی
تا بە سەرخۆشی لە ڕۆژا ڕابوێرم، ڕوو لە خۆشیم
کەس نییە گەر بێتە هانای ناڵە و گریە و نەخۆشیم
پێم نەپۆشرا ڕازی عیشقت، چونکە دەردی تۆیە نۆشیم
خَلّني أسْهَرُ لَيْلي، وَدَعِ الناسَ نَيامىعربی
وا لە دەریای خەم نقووم بووم، وەختە بشسووتێم لە تاوت
هەڵگری لۆمەی کەسان و خزمی خۆمیشم، بە ناوت
بۆچمە سا ماڵ و شادی، وا ئەڵێمە هەردوو چاوت
أسقياني، وَهَديرُ الرّعدِ قدْ أبْكي الغماماعربی
پێکەنە، یاریکە، بادەی مەی دە، گیانا بێرە لاما
هەڵپەڕن با موتریب و ساقی لەگەڵ تار و مەقاما
چەندە خۆشە پێکەوە سەرخۆش و حاشاکەین لە ناما
فَما وَأن كَشَف الوَرد عَن الوَجهِ لِثاماعربی
ڕوو لە نەشئەی پەرچەمی کە، چاوی ناوچەوانی یارت
تەرکی دنیا کە بە جارێ، ڕوو کە شەوقی لالەزارت
هەرچی مەنعت کا لە دڵبەر، پێی بڵێ و لێی دە بە دارت
أيّها المصغي الي الزّهادِ، دَعْ عَنْكَ المَلاماعربی
تۆ گرفتاری کەمەندی زوڵفی یار و خەت و خاڵی
مەست و سەرخۆش و غەریب و بێکەس و ڕووت و ڕەجاڵی
چونکە وا نێزیکە مەرگی، هێند نەخۆشی چاوی کاڵی
فُزْ بِها، مِنْ قَبل أن يَجْعَلَكَ الدّهرُ عِظاماعربی
سەیری نەوتوولی قەد و سینە و مەم و، قەندی لە جاما
شێت و شەیدای بووم و هەرکەس، کەوتە ئاهەنگ و وەراما
قُلْ لِمَن عيَّرَ أهل الحُبّ بِالحُبِّ، وَ لاماعربی
لا عَرَفتَ الحُبَّ هَيهات، وَلا ذقْتَ الغَراماعربی
سەر لەگێژاوی مەحەببەت، دڵ لە ناو بەحری بەڵادا
دەوڵەت و نامووس و دینم، بۆ کەسێ گشتی بە بادا
تاوەکوو ئەمرم، ئەچێ گیانم بە گژ ڕۆژی جەزادا
لا تلمني في غُلامٍ، ۆ دَع القَلبَ سقاماعربی
ڕاجیاتخلص، وەک شێخی سەعدیشخص، من ئەوا کەوتوومە داما
بێ نەوا و پەڕپووتی عیشقم، دوور لە قانوون و نیزاما
لَيسَ وَحْدي في مَدي الوَجدِ تَرَكْتُ الإحتراماعربی
فَبِداءِ الحُبِّ، كَمْ مِن سَيّدٍ أَضحي الغُلاما؟!عربی