گەر یار بێتە دۆشم، ناچێتە کێشی دەفتەر
از کتاب:
دیوانی ڕاجی
اثر:
راجی (1912-1969)
1 دقیقه
187 مشاهده
گەر یار بێتە دۆشم، ناچێتە کێشی دەفتەر
وەک شووشە عارەق و مەی، بڕژێ بە تاوی مەجمەر
گوڵ هەمدەمی سەبا هات، پڕ خەندە لەعلی نازک
باخی وەنەوشە ڕسکا، سەد شێوە ئەم بەرەوبەر
ئەی نازەنینی عەییار، ئەی دڵبەرەی جەفاکار
تا کەی بە ئاگری ڕووت، بتوێمەوە سەرانسەر
وادەی شەراب و ساقی و عوود و قومارە، فەرموو
هەرچی تەڵەب ئەکەی دەی، مەی، شیر و شەهد و شەککەر
ناچێ لەبی حەبیبان، وەک مەرهەمی تەبیبان
پێویستە بۆ غەریبان، جانا بە ڕۆحی دەربەر
دڵ جۆشی پڕ خرۆشە، سا دەی دەمێ بنۆشە
لەم شەهدی لێوە خۆشە، وەک دڵ مەبە موکەددەر
ئەم چاوە شۆخە ساقی، گرتوویە جانی ڕاجیتخلص
هیچ کەس نییە بە بێ تۆ، شایانی تەخت و ئەفسەر