کورد گەر هەبن شاهن هەموو، بۆ عەقڵ و نوتق و ئیهتیدا
از کتاب:
دیوانی ڕاجی
اثر:
راجی (1912-1969)
1 دقیقه
161 مشاهده
کورد گەر هەبن شاهن هەموو، بۆ عەقڵ و نوتق و ئیهتیدا
ڕێگا و ڕەوشت ساز ئەکەن، هەوەڵ هەتاکوو ئینتیها
کاکە لەسەر دەوری زەمان، نەبووە زیاتر کەسێ لەوان
هەموو ژیان و پاڵەوان، شیرین زمان و خۆش نەوا
میللەت ئەکەن پەروەردە بۆ وەختێ بە فریا بێ بە خۆ
خاوەن هونەر، ڕفێنی گۆ، هەم بەهرەوەر، هەم موقتەدا
مایەی وەفا و سەڵتەنەت، قازانجی هۆز و مەرحەمەت
تەبیاتی چاک و مەعریفەت، بۆ وانە هەم بەخش و عەتا
مەست و غرووری وەختی شەڕ، هەروەک بەڵا کە دێنە دەر
ساف و لەسەرخۆ بۆ هونەر، وەختێ کە خەڵکیان بێتە لا
ئەو پشتیوانی قایمن، بۆ عەهدی خۆیان دایمن
بۆ ئیشی چاکە حاکمن، چاکیش ئەکەن دەفعی خەتا
ڕاجیتخلص لە قەومی کوردییا، ئاوێنەدارە بێ ڕیا
زۆر ڕازییە لێیان کەوا، ئەگرن جەماوەر ئیبتیدا