قوماری گەردوون
از کتاب:
کەژاوەی دڵ
اثر:
ناصر آقابرا (1968-2020)
1 دقیقه
339 مشاهده
لە دارستانی ڕۆژێک ڕادەبوردم
کە دیم کۆترێک لە چەنگ بازێک دەناڵی
لەپڕ دیلی هەڵۆ بوو بازی ڕاوچی
ڕژا سەر لاشی کۆتر، کلک و باڵی
لە داوێنی کەژا چالاکەلاوێک
کە بەبری پەنجەخوێنین لێی ڕەویبوو
لەگەڵ جووڵانەوە و تەقەی تفەنگێک
هەڵۆی تیژفڕ سەرەوژێری زەوی بوو
قوماری قورسی گەردوونی جەفاکار
گەلێ ئەسکەندەری کێشایە زنجیر
دەمێک نێچیر دەداتە دەستی ڕاوچی
دەمێک ڕاوچی بەهێز دەکرێن بە نێچیر
لە بیرت بێ بە نسحەت، لاوی ساکار
بە چالاکی عومر کە، نەک بە سستی
تراویلکەی ژیان هەر سەردەمێکە
بە سەربەرزی بژی، دوور بە لە پەستی