در بیان نسب فخر کائنات ﷺ و خلاصة موجودات
از کتاب:
روضة الصفا
اثر:
میرزا عبدالقادر پاوه‌ای (1850-1910)
2 دقیقه
436 مشاهده
چوون نوور حەزرەت شای ئەعلا ڕەقەم
بەرشی جە بەهەشت یاوا وە ئادەم
جە ئادەم و شیس چوون قەترەی مەنقووش
جە لای شیس هەم شی وە جەبهەی ئەنووش
جە ئەنووش ویەرد وە قنیان یاوا
چوون باغچەی بەهەشت دنیا کەرد ئاوا
وە یەد قودرەت پادشای جەلیل
جە قنیان هەم شی وە لای مێهلائیل
وە ئەمر سوبحان تاک تەنیای فەرد
جە لای مێهلائیل یاوا وە لای بەرد
جە بەرد هەم بەرشی چوون خەدەنگ دووخ
مەنزڵ بەرد وە تەخت پێشانی ئەخنووخ
هەم جە لای ئەخنووخ بەرشی وە ناکام
یاوا وە ئێدریس «عليه السلامعربی»
سا وەختێ ئێدریس فەندێ بەر ئاوەرد
ئێرادەی عرووج قەسر بەهەشت کەرد
نوور موحەممەد چوون ئایەی ناسخ
بەرشی تا یاوا وە مەشووشەلخ
جەهان کەرد ڕۆشن سەما تا سەمەک
دیسان تەشریف بەرد وە جەبهەی کەمەک
نەگێرتش قەرار وە سەد ئێحتێرام
تا یاوا وە نووح «عليه السلامعربی»
سا با تا چەند ساڵ چوون خەرمان گوڵ
جەبهەی پاک نووح ببۆش وە مەنزڵ
بەڵێ، جەو دەم نووح «نبي اللهعربی» بێ
سەردار ئەولاد «صفي اللهعربی» بێ
نیزام دەهندەی گشت بێ نەزمان بێ
ئەوەڵین پەنج ئولولعەزمان بێ
دایم هەر مەشغووڵ وە ڕێعایەت بێ
خەریک ئێرشاد ڕای هێدایەت بێ
تا کە هەفتسەد ساڵ جە عومرش ویەرد
عومر وێش نە ڕای گومڕاهان سەرف کەرد
بەعزێ بەو حەزرەت ئیمان ئاوەردن
ما باقی یەکسەر سوحبەت مەکەردن
ئەوانیچ شەیتان غاڵب بی لێشان
گشت پەشیمان بین جە قەوڵ وێشان
قەوم بەد ئەندێش بێ حەیای بەد نام
پشت کەردن وە نووح ڕوو وە لای ئەسنام
چوون جە تایفەی توخم قابیل بین
جە مەکر شەیتان تەمام زەلیل بین