dir byan nisb fixir ka’nat ﷺ û xilasة mucudat
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
2 Xulek
462 Dîtin
çûn nûr ḧezret şay e’la řeqem
berşî ce beheşt yawa we adem
ce adem û şîs çûn qetrey menqûş
ce lay şîs hem şî we cebhey enûş
ce enûş wiyerd we qinyan yawa
çûn baẍçey beheşt dinya kerd awa
we yed qudret padşay celîl
ce qinyan hem şî we lay mêhla’îl
we emir subḧan tak tenyay ferd
ce lay mêhla’îl yawa we lay berd
ce berd hem berşî çûn xedeng dûx
menził berd we text pêşanî exnûx
hem ce lay exnûx berşî we nakam
yawa we êdrîs «’ilîh alsilamErebî»
sa wextê êdrîs fendê ber awerd
êradey ’irûc qesir beheşt kerd
nûr muḧemmed çûn ayey nasix
berşî ta yawa we meşûşelx
cehan kerd řoşin sema ta semek
dîsan teşrîf berd we cebhey kemek
negêrtiş qerar we sed êḧtêram
ta yawa we nûḧ «’ilîh alsilamErebî»
sa ba ta çend sał çûn xerman guł
cebhey pak nûḧ biboş we menził
bełê, cew dem nûḧ «nibî alilhErebî» bê
serdar ewlad «sifî alilhErebî» bê
nîzam dehnidey gişt bê nezman bê
ewełîn penc ulul’ezman bê
daym her meşẍûł we řê’ayet bê
xerîk êrşad řay hêdayet bê
ta ke heftised sał ce ’umirş wiyerd
’umir wêş ne řay gumřahan serf kerd
be’zê bew ḧezret îman awerdin
ma baqî yekser suḧbet mekerdin
ewanîç şeytan ẍałb bî lêşan
gişt peşîman bîn ce qewł wêşan
qewm bed endêş bê ḧeyay bed nam
pişt kerdin we nûḧ řû we lay esnam
çûn ce tayfey tuxim qabîl bîn
ce mekir şeytan temam zelîl bîn