dir byan ḧizirit nuḧ ba qum û waq’ey tufan û kiştî saxtin aw
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
10 Xulek
494 Dîtin
qewł «alxinas» gêrtişan ne goş
nefi’ we’iz nûḧ kerdin feramoş
xisûs dû nefer ferzendan wêş
ken’an carûd gumřay kîne kêş
bedterîn qewm zumrey zî řûḧ bîn
ênkar û munkêr fermûdey nûḧ bîn
yekê me’arîf qewm bed endêş
ce ḧizûr nûḧ pa nya we pêş
awaz kerd we qewm watiş ey yaran
î şexse çend sał ce řozgaran
badey feraset saḧrî werden
we sêḧir ’ałem musexxer kerden
dexîl sed dexîl, zînhar sed zînhar
hergêz we qewiłş meken ê’têbar
des berd be’zê xak we bê çûn û çend
we řûy mubarek ḧezret nûḧ şend
ḧezret ce sidûr waq’ey î ḧał
hana kerd we zat ḧeyî bê zewał
nêdayê ama wat burhan minim
«miftaḧ alqilubErebî» bendegan minim
ḧeq mezłûman, ta’et guzaran
mebo deryafit bo ce sitem karan
henî derd dił wêt meker îzhar
yekser ce lay min keşfen aşkar
meşhûren me’rûf gişt ḧał qałen
ednay teḧemmul xuđa çil sałen
bê taqet meber ’aczim lêşan
nezdîken tofan xêzo perêşan
ce law tofan gişt nigûn sar ban
ce law dûzex hem giriftar ban
eweł car qeḧtî naził kerd pêşan
mar zehirş mekerd ne cam mêşan
quwey tewalîd nemend ce laşan
řesim tenasîl biřya ne caşan
ta yek řo dîsan hem «ruḧ alamînErebî»
teşrîfiş awerd we řûy ser zemîn
selam san’, îcad zî řûḧ
der dem yawna we cenab nûḧ
wat tof tofan mecmû’ awan
wadey dewrşen we nezdîk yawan
henî çêş waçûn nezdîken ya dûr
ḧeq wêş fermawan we «nar altinurErebî»
yek tûł çub sac baẍ beheştî
awerde bî pey esbab keştî
mesrûr bî ce şewq wiḧî şay celîl
nûḧ we êşarey exî cibre’îl
tûł sac berdiş nişanaş we xak
sewz bî we qudret ḧeyî tenyay tak
hefte dû hefte ce mabeyn wiyerd
tûł sac ce xak řîşeş meḧkem kerd
cew dima dem dem bułend bî bałaş
seywan best ce ser kakoł ałaş
pey pey, peyapey aw mekerd noşiş
daym cibre’îl mekêşa goşiş
quwet we qamet qews qeza da
her ewend wiyerd we řûy hewa da
ce kurey narî ser xameş wiyerd
we birc mîzan wêş miqabił kerd
qediş qyamet mekerd bê xelaf
qaym ter ce qed berz qulley qaf
ẍerez, ta bîst sał bałaş her wiyerd
řo ce řo fêşter her keşiş mekerd
ce dimay bîst sał dîsan cibre’îl
awerdiş be war weḧî şay celîl
xeber da we nûḧ wat be mewday têẍ
el’an dar sac pey keran ce bêx
«ḧisb aliḧkimErebî» zat padşay ferden
darş pey keştî aferîd kerden
şeq şeqiş keran bê zyad û kem
gişt texte texte cya bo ce hem
bibo we keştî çûn řewan řûḧ
pey tayfey pak ehil û beyt nûḧ
ta nûḧ emirş kerd ferzendan wêş
sê nefer necař, her sê mişarkêş
tîz kerdin têẍan mewday bê aman
şîn we bêx dar berz bê saman
biřîşan der dem hem awerdişan
ce ser ta be war qed qed kerdişan
ta yek dû hefte heway germ û serd
xaster ce kibrît hewa xuşkiş kerd
be’d ustadan perê taşay dar
ce seḧray kûfe des berdin we kar
cibre’îl tertîb nîşan da pêşan
meşẍûł bîn yekser be mişar kêşan
her morê kerdin we çil textey saf
her textê çil zer’ ałay cewher baf
hezar morey xas sazan we texte
bał cibre’îl yekser lê kefte
ce weqit taşay ełwar keştî
pey yagey necat ehil beheştî
eşraf ew qewm maman mewyerdin
yekser gişt we nûḧ řîşxend mekerdin
međan bew ḧezret çend tîr û tane
mewatşan nûḧ, byen dêwane
ne tofen ne aw ne tofan sext
keştî mesazo be wext û bê wext
ẍerez, we te’lîm exî cibre’îl
ustadan kar kerdişan te’cîl
we ḧukim qadir ferman fermay ferd
nûḧ çûn we dû sał keştî temam kerd
be sê mertebe kerdişan teyar
yek ce ban yek midran ber qerar
mertebey payîn pey cay wiḧûşat
ułaẍ û eẍnam, baqî ḧeywanat
mertebey weset cay teyr û tyûr
enwa’ û eqsam tuxim hezar cûr
mertebey bała çem endaz çem
pey tebe’ey nûḧ cay benî adem
be zefit û be qîr kerdişan qîrtaw
pey defi’ tofan meḧfûz bo ce aw
tûlş hezar û dû sed gez temam
’erziş şeşsed gez baqî we selam
sûretiş çûn murẍ, serş çûn tawus
sîne kebûter, dunbał çûn xirûs
bełê řoy ezeł tenûrê qeşeng
xuđa pey adem saza bê ce seng
daym coş meda çûn coş kûre
ḧewa subiḧ û şam her bew tenûre
bê pejare û kos, bê ẍusse û bê ẍem
nan mekerd perê cenab adem
axir we mîras cew qapî meftûḧ
des ew des ama ta yawa we nûḧ
ce karxaney nûḧ nan pêş mekerdin
daym bew tenûr sewgend mewerdin
me’lûmen ew wext padşay ẍefûr
cew pey fermawan we «nar altinurErebî»
her an ew tenûr coş kûre taw
horşana ce bêx fwaran aw
ane êbtêday xeter û xofen
nîşaney ẍezeb tofan û tofen
cew demda ḧerem muḧteremey nûḧ
new tenûre nan mekerd her sibûḧ
dîş kizey ayr seretay awan
tenûr gol besten wêney golawan
hana berd we nûḧ wat tenûr seng
ha peř bî ce aw we bê da û deng
nûḧ watiş sedeq tak tenyay ferd
nîşaney tofan ane me’lûm kerd
eweł emirş kerd ehil û beyt wêş
bişan ne keştî bê xof û endêş
yek menkûḧe daşt «wa’ilةErebî» nam bê
bê sêdiq û baweř hem bê kelam bê
çenî ferzendê namş ken’an bê
gumřay dił ce seng ehil şeytan bê
ce lway keştî tebeřa kerdiş
xof xuđawend we dił nawerdiş
sa her çend ke nûḧ nesîḧet kerdiş
deryay řeḧim dił we coş awerdiş
wat ferzend tofan ha ama we taw
sara û ser besat gişt mebo we aw
yekser ẍerq mebo zî řoḧ beşer
we emir qudret danay dadger
wat min ce tofan nedarûn enduwe
aw meyo we deşt min meşûn we kuwe
faydeş nebî her çî nûḧ kerdiş
mewc aw ama ce naga berdiş
nûḧ lerza ce qehir padşay qehhar
’erz kerd û watiş ya perwerdigar
to we’dey necat day pey ehil min
tebe’e û meḧsûb ehil û sehil min
me’lûm we’dey to gişt ḧeq û řasen
zat wêt derûn bende şinasen
axir ferzendîç etba’ min bê
giroy ehil û beyt enwa’ min bê
nida ama ew, ehil to nyen
řoḧiş pey dûzex aferîd byen
elẍerez, nûḧ wêş çenî sê ferzend
çwar zewcey xas şox dił pesend
baqî heftad û dû ten musłiman
giroy şer’ û wer’ ce ehil îman
gird şîn ne keştî mertebey bała
bestin pey wêşan seywan ała
cibre’îl ce cins wiḧûş û tyûr
dewwab û ḧeywan giroy murẍ û mûr
her cinsê ciftê nêr û ma berdiş
yekser gişt daxił we keştî kerdiş
naga ce qudret şay bê xurd û xaw
zemîn horşana gişt fwarey aw
awan carî bîn serçeşman we coş
xêza ce hałan ne’rete û xiroş
derya û deşt û çem gêła we yekser
çûn beḧir muḧît dinyaş gêrit ne wer
ce serda waray, weşt bê medar
meřêza qetrat enwa’ emtar
ne’retey fełek, nałey ře’d û berq
coşya awan ce ẍerb ta we şerq
çil şew ta we řo, çil řo ta we şam
warna seylab danay layenam
zemîn gişt temam bî be «ri’es al’înErebî»
dinya bî be mewc «micim’ albiḧrînErebî»
ne şar ne qerye ne deşt ne eşcar
ne kaw mend ne berz ne ko ne kosar
dû sed zer’ aw ce beḧir ała
ce fewq berzan lwa we bała
keştî wêney qel syay qetranî
megêła ce ban beḧir tofanî
pey ehil keştî ne mewc tofan
çi baken ḧezret nûḧen keştî ban
biđye pey sin’et ferd sin’et saz
padşay bê bak danay bê nyaz
cew beḧir tofan bê şibhe û xelaf
qel nişîn nebî ce qaf ta we qaf
«’uc bin ’inq» bê xof û endêş
her sub ta êwar megêła pey wêş
tofan bew řef’et bew bê payanîş
aw neyawa bê we lay zeranîş
miđya we payîn tofan mewc mewerd
seyr kungirey keştî nûḧ mekerd
keştî we yek sat bê zyad û kem
ce kûfe yawa we ke’bey e’zem
ce ře’is menbe’ baregay ḧerem
hefit dewr kerd tewaf beyt muḧterem
penc mah çûn yek řo keştî gîrş kerd
ce tof tofan her gêłş mewerd
cew dima we emir padşay me’bûd
şî we lay cezîr qerîb koy cûd
lenger wist ne aw hewa da beydeq
keştî ce gerdiş midra mu’ewweq
yek mah kamił teweqquf kerdiş
dewran keştî gişt bełx awerdiş
ehil keştî gişt ḧasił kerdin yas
’aciz bîn temam ce boy elxennas
yekser şîn, we nûḧ hana berdişan
çigûnegî ḧał êzhar kerdişan
nûḧ hem hana berd we perwerdigar
watiş ya řeḧîm kerem bê şumar
nyaz metłeb cumley ka’ênat
nîk û bed temam keşfen gişt ce lat
ha ehil keştî yekser ewgaren
gişt zêndegîşan çûn zehir maren
ama nêdayê ce şay celîl da
wat destit bawer we pişt fîlda
nûḧ hem be ferman ’êzzet ’emeł kerd
pencey mubarek we pişt fîl berd
fîl yek pijme da we emir dawer
ce bînîş xugê ber ama we ber
xug kewt ne keştî nicaset gişt werd
sefîneş ce boy ’ifûnet pak kerd
peyda bî êblîs mel’ûn mehtûk
ewîç hem destê da we pişt xûk
xûk hem pijme da wey tewr mewînîş
fewrî ber ama mûşê ce bînîş
mûş bê edeb řozî merdum werd
cem’ mexlûqat gişt herasan kerd
mecał bî ew řo çûn xak yatax
textey keştî gişt bikero sûrax
nûḧ we emir ḧeq dest da pişt şêr
ce pijmey ew weḧiş diřindey dilêr
ber şî ce bînîş yek gurbey menqûş
fewrî wêney şêr hełmet da we mûş
kesê newaço ye naḧesaben
qewł min nyen qewł kitaben
mûş û gurbe û xuk şay qedîm ferd
ew řo ce keştî her sê îcad kerd