بسم الله الرحمن الرحیم
از کتاب:
روضة الصفا
اثر:
میرزا عبدالقادر پاوه‌ای (1850-1910)
3 دقیقه
830 مشاهده
بە نام بێ چوون، پادشای ئەکبەر
قەدیم قادر، حەیی تەوانگەر
بە نام بێ چوون فەرد «ذُو الْجَلالعربی»
جەهان ئافەرین ڕۆژ و مانگ و ساڵ
کەریم کارساز، کەرەم فراوان
ڕەحمان و ڕەحیم، سەنەندەی تاوان
بێ ڕەنگ، بێ شەریک، بێ بەدەڵ، بێ کەس
زات بێ زەواڵ، فەرد فەریادڕەس
حەلل موشکڵات ئاشوفتەکاران
ئاگا جە قەترە، دارای ئەقتاران
دارای جەهاندار، دەهندەی بێ باک
ئافەریدەی جنس ئادەمی جە خاک
نگەدار چەرخ نۆ تاق گەردوون
ئوستاد ئەزەڵ، کار «كُنْ فَيَكُنعربی»
دەهەندەی داوەر، دانای بێ نیاز
مێعمار دەوران، دنیای ڕۆشن ساز
تەنیای لامەکان، فەرد بێ نەزیر
بێ دیدە و بێ گۆش، سەمیع و بەسیر
گۆیای بێ زەبان، ڕەهنەمای جەلیل
فورقان و زەبوور، تەورات و ئێنجیل
بێ هەمتای عەزیم، «واحِدُ الْأحَدعربی»
تاق «لَمْ يَلِدعربی»، هەم وە «لَمْ يولَدعربی»
شەهنشای عادڵ، ڕەئووف بێ عەیب
ڕازق ڕۆزی جە کارخانەی غەیب
«واجِب الوجودعربی» دانای لایەنام
ڕۆشن ئەفزای سوبح، تاریک نمای شام
بە موفلیسان بەخش ڕوتبەی شاهی دەر
ئاخر هەم شاهان وە خاک موحتاج کەر
خوڎای بوڵەندی و پەستی هەر تۆنی
جە هەستی و نیستی، هەستی هەر تۆنی
ڕۆشنایی بەخش ڕۆژان هەر تۆنی
تاریکە دەیجوور شەوان هەر تۆنی
ئاگا بە «سِرّ الْخَفِیّاتعربی» تۆنی
بەهرەی کەرامات کەشفیات تۆنی
قەیووم قایم، سانع هەر تۆنی
کەریم و موعتی، بێ مانع تۆنی
دنیا و مافیها، ئەشیا گشت تۆنی
فەوت و مەوت و سەوت، ئەحیا گشت تۆنی
حەرەکە و جونبش جسمانی تۆنی
قووەی زۆر و زات ڕۆحانی تۆنی
غەرەز هیچ نیەن، هەرچی هەن تۆنی
هەر جا حازری، نمەز جە کۆنی
نەزدیک تەر جە ڕەگ گەردەن وە گشت کەس
تۆ نەزدیک تەری فەرد فەریادڕەس
یا حەق وە کەرەم بڎەر تەوفێقم
تەوفێقت جە سەر ببۆ ڕەفێقم
ڕۆشن کەر شوعلەی بینایی عەینم
پەرداخ دەر جە عام ئایێنەی زەینم
تەبعم نە جاران خاستەر مەوزوون بۆ
فەردم چوون دانەی دوڕ مەکنوون بۆ
تێغ زەبانم سەوهان دەی جە نۆ
بڕشت بۆ وە چەرخ گوشای فەزڵ تۆ
هەوای خەیاڵم ببۆ بە جەوهەر
حوجرەی دەرونم پەڕ کەی جە گەوهەر
تا بواچوون مەدح شای بوڕاق سوار
ئەحمەد، موحەممەد، موستەفای موختار
«خَتم المُرسَلينعربی» حەبیب داوەر
شەفیع دیوان زلزلەی مەحشەر
هەر ئەو شەو مەولوود پاک شەریفش
ئاما وە دنیا جسم لەتیفش
موعجێزەی تفڵیش تاکوو چل ساڵە
یەک یەک بەیان کەم چوون بن قەواڵە
گرۆی ئەهل و بەیت شای «خيرالأنامعربی»
خولەفا و ئەسحاب، زومرەی خاس و عام
مەعرەکە و جداڵ، هەر چی بۆ لزووم
غەزای قەتڵ و عام کافران شووم
جەمع ئەسحابان شای «خيرالأنامعربی»
بەر موحەممەد بۆ سەڵوات و سەلام
شەجیع ئەسحاب شای «خيرالبشرعربی»
باوەروون وە نەزم چوون دوڕ و گەوهەر
کتابچەی شیرین چوون توحفەی شاران
ڕەواج بۆ دایم جە لای دینداران
هەر کەس بوانۆش وە ئێخلاس پاک
شەفاعەت خواش بۆ شای تاج «لَولاكعربی»
واجبەن سەنای سالاران دین
خوڎا ڕازی بۆ لێشان ئەجمەعین
هەر جە ئەو ساعەت تا ڕۆی عەرەسات
بەر سەفا سەفای موستەفا سەڵوات