ئەگریجە و خاڵ دا
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
234 مشاهده
ئەگریجە و خاڵ دا .. ئەگریجە و خاڵ دا ..
زڵێخا تەرتیب ئەگریجە و خاڵ دا ..
میسک دا نە گێسووی قەتران قەتاڵ دا
حەی ئاسا حەسار باڵای شمشاڵ دا
پەرچەم پەر گنەی زەڕلی و دەسماڵ دا
عەقرەب وار نە قورس قەمەر یاساڵ دا
قەوسەین ئەبرۆش شێوەی هیلال دا
فەتوای فەوت و مەوت هەر ساحێب حاڵدا
موژدەی خەدەنگ وەش بەستەی پەڕگاڵدا
سەف بەستەن لە دەور دیدە غەزاڵدا
مەسقەل نومای حوسن جام جەماڵ دا
پڕتەو بەخش نوور بەدر کەماڵ دا
گۆنا پەڕەی گوڵ لەب لەعل ئاڵ دا
سەنعان پەی دینش وە دین ئیخلال دا
سەوزە خاڵ نە پای دوور لیمۆی کاڵ دا
ئاتەش دا وە زەرع خەزنەی خەیاڵدا
قیام دا وە قەد فەرخوندە فاڵدا
زینەت ئارای بەزم جاهـ و جەلال دا
هومەیلا هیممەت شیرین خیسال دا
شازادەی چینەن نە چەمچەماڵدا
وە غەمزە شیفای مەردەی سەد ساڵدا
وە فەقێتخلصی ئەفگار عیجز و مەلالدا