از ماهیدشت گفته
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
424 مشاهده
موغەننی! سازێ .. موغەننی! سازێ ..
نە ڕووی ئیلتیفات دەس دەر نە سازێ ..
نەی بەزم و ئاهەنگ بەرز کەر ئاوازێ
جە نەزم حیجاز بکەر ئاغازێ
دڵەی غەمبارم خەیلێوەن خجڵ
تەئسیر دەنگت ئەسەر کۆ نە دڵ
فیدات بام ساقی ها زومرەی عوششاق
داریم ئیحتیاج پەی تەکلیف شاق
کەچ کەر عەرەقچین، زوڵفەین بڵاوکەر
عەینەین مەستت تام سورمەی ساو کەر
پڕ کەر پیاڵە، بنما جەماڵت
وە حەنا ڕەنگ کەر پەنجەی شمشاڵت
با نەشئەی بادەت نە ڕای حەقیق بۆ
ڕەنگش چون لەبان لەعلت عەقیق بۆ
پەردەی دەروونم بەو تەور کەرۆ ساف
قەلبم چون قوببەی قەندیل دۆ شەفاف
جەوهەر ڕۆحم مەسقەل نوما کەر
مەزهەرش چون جام جیهان نوما کەر
موتریب سا بەرز کەر نەوایێ هەنی
«لا يعقلعربی» کەر دڵ نەی دنیای دەنی
خامۆش کەر کوورەی فیکر و خەیاڵم
ڕەوشەن کەر مینای زیهن زوڵاڵم
چنگ وە چەنگەوە، کەف وە دەفەوە
دڵ بە مەستیی بەزم شای نەجەفەوە
با گۆش نە سەدای سارای موغان بۆ
نەشیب و فەراز جە لام یەکسان بۆ
یەک ڕەنگ بام نەی مەی، مەدهۆش بام نەی دەنگ
مەنقووش بام چون نەقش نەققاش نە ڕووی سەنگ
بفەرما فەقێتخلص بەسەن ئەی ناڵە
بنۆشە نەی بەزم مەندەی پیاڵە
بەڵکم نە هیممەت ئینعام دڵبەر
شاد بام وە مەجلیس شای هومایوونفەڕ