az mahîdişt giftih
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
252 Dîtin
muẍennî! sazê .. muẍennî! sazê ..
ne řûy îltîfat des der ne sazê ..
ney bezim û aheng berz ker awazê
ce nezim ḧîcaz biker aẍazê
diłey ẍembarim xeylêwen xicił
te’sîr dengit eser ko ne dił
fîdat bam saqî ha zumrey ’uşşaq
darîm îḧtyac pey teklîf şaq
keç ker ’ereqçîn, zułfeyn biławker
’eyneyn mestit tam surmey saw ker
piř ker pyałe, binma cemałit
we ḧena řeng ker pencey şimşałit
ba neş’ey badet ne řay ḧeqîq bo
řengiş çun leban le’ilit ’eqîq bo
perdey derûnim bew tewr kero saf
qelbim çun qubbey qendîl do şefaf
cewher řoḧim mesqel numa ker
mezherş çun cam cîhan numa ker
mutrîb sa berz ker newayê henî
«la yi’qilErebî» ker dił ney dinyay denî
xamoş ker kûrey fîkir û xeyałim
řewşen ker mînay zîhin zułałim
çing we çengewe, kef we defewe
dił be mestîy bezim şay necefewe
ba goş ne seday saray muẍan bo
neşîb û feraz ce lam yeksan bo
yek řeng bam ney mey, medhoş bam ney deng
menqûş bam çun neqiş neqqaş ne řûy seng
biferma feqêNasnava edebî besen ey nałe
binoşe ney bezim mendey pyałe
bełkim ne hîmmet în’am diłber
şad bam we meclîs şay humayûnfeř