saqî fîraqen
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
262 Dîtin
saqî fîraqen .. saqî fîraqen ..
saqî ha we’dey weqit fîraqen ..
dił ne qebiz û best beng û tiryaqen
muntezîr be şurb badey řewaqen
her ḧucrey diłen kałay ẍem têşen
her ’eyşen fîrar, şewq meynet kêşen
her hoşen medhoş, şadîm matem da
her fîkiren berden zanû be demda
saqî sa meyê, mutrîb semtûrê
hey çem bînayî, hey ḧał ḧuzûrê
hey muẍennî nezim, hey burbut sazê
hey goş sirûşê, hey dił perwazê
hey mey mexmûrê, saqî ẍemzeyê
hey defzen kefê, hey def řêzeyê
fîday pencet bam, ney çî, meqamê
ney mecme’ey ’eyş be dił der kamê
saqî bo be ’îşq pîr xerabat
îḧya ker qelbim bew badey ḧeyat
be şem’ bade řewşen ker yaran
şikist der şîşey ’umir eẍyaran
gêsû efşan ker ce beyn ketfeyn
tecellay ḧusinit cîlwe do ne ’eyn
ney germîy aheng gişt amadeket
ba řaş ḧeqîq bo neş’ey badeket
bew tewr saf kero perdey zemîrim
henî nemano ne ẍem teḧrîrim
dił mest bî we şurb ḧemra řengewe
henî nîm we teng nam û nengewe
«feqêNasnava edebî» dił be meyl saqî kerden şad
ce qeyd gezend dinya bî azad