تشهد آخر در رکن دوم
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
4 دقیقه
320 مشاهده
بە تەسدیق دڵ زوبان گەواهەن
«محمدعربی» نەبی و «رسول اللهعربی»ەن
ئەسڵش عەرەب و قورەیشی و هاشم
بابۆش «عبداللهعربی» ڕەسوول خاتەم
لازمەن جەددش بکەریم حسێب
بابۆی عەبدوڵڵان عەبدولموتتەلیبشخص
جە ئەهل ئیسلام تەحقیق لازمەن
عەبدولموتتەلیب ئیبنو هاشمەن
هەم بابۆی هاشم عەبدولمەنافەن
عەبدولمەنافشخص ئیبن قوسەشخصی ئەوسافەن
تەحقیقەن قوسەی ئیبنو کیلابەن
هەم بابۆی کیلاب موڕڕە ئەلقابەن
والیدەی سەیید خەیرولبەشەری
ئامینەشخصی بینتو وەهەبی زوهری
هەم یازدە حەرەم دارۆ جە کابین
ئەووەڵ خەدیجە «ام المؤمنينعربی»
دووەم عایشە، سییەمش سەودە
چارەمش حەفسە، هەم «ام سلمهعربی»
شەشەم زەینەب و «ام حبيبهعربی»
هەشتەمش زەینەب بینتو خوزەیمە
نۆهەم مەیموونە، دەهەم جوەیرییە
هەم «ام المؤمنينعربی» یەعنی «صفيهعربی»
جەلای چیهرەش ساف، پەهنەن پێشانی
ئەبرۆش کەشیدە، دیدەش قەترانی
سورخ و سفید بی، یەعنی گوڵنار بی
چون مینا مەعکووس دەر و دیوار بی
لامیعەی نوورەن ئەو عالی جەناب
هەم بێ سایە بی جە سای ئافتاب
حەسناتەر جە میسل هەر بەنی ئادەم
مومکینات جە فەیز ئەو بی مورەققەم
«مليح الوجهعربی» و «فصيح الكلامعربی»
جە حەدد وەسەت هەر ئەعزاش تەمام
هەم عەقڵش تەکمیل، هەم گوشاد ڕوو
عەرەقش چون میسک خەتا مەدا بوو
قانیع و شاکیر، تەبعش سەلیم بی
دەستش نامەوەر عەتا کەریم بی
هەم حوببش «فی اللهعربی»، بوغزش «فی اللهعربی» بی
کەلامش تەتبیق وەحی خودا بی
نە مەککە مەولوود، وەحیش بی واقیع
مەدفوونەن نە شەهر مەدینەی بەقیع
هەم تەبعش مائیل تەعمەی شیرین بی
بە شیر و خورما، با ئەنگەبین بی
سەبەب بە سوحبەت جیبرەئیل، ئیلهام
«کره» ڕیاحین کەردەبێ حەرام
جە پێش و جە پەس دیدەش بینا بی
عەکس ڕۆشنیش نە پێش چرا بی
نەهیش جە مونکەر، ئەمرش مەعرووف بی
بە دووسەد و یەک ئیسم مەوسووف بی
نە سینن چیهیل نە قاپیی عودوول
وەحی و ڕیسالەت پەرێش کەرد نوزوول
تا بیست و سێ ساڵ کەرد پێغەمبەری
ڕەواج دا بە حوکم زات ئەکبەری
نە شەست و سێ ساڵ عومرش بی تەمام
حوکمش باقییەن تا «يوم القيامعربی»
خەلقش ڕەحمەتەن پەرێ عالەمین
هەم ئەوەن خاتەم نەبی و مورسەلین
جە خەلق ئادەم تا حین خاتەم
خەیلێ ئەنبیا ئامان بە ڕەقەم
بەعزێشان مەستوور ئایەی قورئانەن
ماباقی جە عیلم زات یەزدانەن
جوملە ڕەسوولان با وەحی و ئیلهام
ئامیر بین بە حوکم تەبلیغ ئەحکام
چوار کیتاب چەنی سەد جەڵد نە سوحوف
تەنزیلش کەردن جە زات ڕەئووف
حەق ئادەم نە ئەرز کەرد بە خەلیفە
ڕەوان کەرد پەرێش دە جەڵد سەحیفە
پەنجا سەحیفەش عەتا کەرد بە «شیثشخص»
سیی جەڵد سەحیفە بەخشا بە ئیدریس
دە جەڵد سەحیفە جە باب جەلیل
تەنزیل بی پەرێ ڕیسالەی خەلیل
چوار کوتوب بزورگ هەر چوار ناسیخ بی
هەر چوارش تەکمیل عیلم ڕاسیخ بی
تەورات مووسا، زەبوور داوود،
ئینجیل عیسا، فورقان مەحموود
موحەممەد نە ئینس نە جین ڕەسوولەن
ئەووەڵ شەفاعەت جە ئەو قوبووڵەن
خاتەم جەمیع کوتوب فورقانەن
ناسیخ کونندەی جوملە ئەدیانەن
تەکمیل نە ئەحکام ئایەی مەجیدەن
ئیزافەی قەسەس، وەعد و وەعیدەن
لەفزش نە ڕومووز وەعزش موئەسسیر
فەسیح و بەلیغ، دڵکەش و جاگیر
نازیلەن جە حەق پەرێ موحەممەد
تەریق حەقیق شەرع کەرد موجەددەد
جە سینف عومووم ئەنبیای کیبار
پەنجەن «اولو العزمعربی» ئایەی ئیفتیخار
نووح و ئیبراهیم، مەسیح و مووسا
پەنجەم موحەممەد «ختم الانبياءعربی»