tişihd axir dir rikin dum
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
4 Xulek
513 Dîtin
be tesdîq dił zuban gewahen
«miḧimdErebî» nebî û «risul alilhErebî»en
esiłş ’ereb û qureyşî û haşim
baboş «’ibdalilhErebî» řesûl xatem
lazmen ceddiş bikerîm ḧisêb
baboy ’ebdułłan ’ebdulmuttelîbKes
ce ehil îslam teḧqîq lazmen
’ebdulmuttelîb îbnu haşmen
hem baboy haşim ’ebdulmenafen
’ebdulmenafKes îbin quseKesy ewsafen
teḧqîqen qusey îbnu kîlaben
hem baboy kîlab muřře elqaben
walîdey seyîd xeyrulbeşerî
amîneKesy bîntu wehebî zuhrî
hem yazde ḧerem daro ce kabîn
ewweł xedîce «am alimؤminînErebî»
duwem ’ayşe, sîyemş sewde
çaremş ḧefse, hem «am silimhErebî»
şeşem zeyneb û «am ḧibîbihErebî»
heştemş zeyneb bîntu xuzeyme
nohem meymûne, dehem cweyrîye
hem «am alimؤminînErebî» ye’nî «sifîhErebî»
celay çîhreş saf, pehnen pêşanî
ebroş keşîde, dîdeş qetranî
surx û sifîd bî, ye’nî gułnar bî
çun mîna me’kûs der û dîwar bî
lamî’ey nûren ew ’alî cenab
hem bê saye bî ce say aftab
ḧesnater ce mîsil her benî adem
mumkînat ce feyz ew bî mureqqem
«milîḧ alucihErebî» û «fisîḧ alkilamErebî»
ce ḧedid weset her e’zaş temam
hem ’eqiłş tekmîl, hem guşad řû
’ereqiş çun mîsk xeta meda bû
qanî’ û şakîr, teb’iş selîm bî
destiş namewer ’eta kerîm bî
hem ḧubbiş «fî alilhErebî», buẍziş «fî alilhErebî» bî
kelamş tetbîq weḧî xuda bî
ne mekke mewlûd, weḧîş bî waqî’
medfûnen ne şehir medîney beqî’
hem teb’iş ma’îl te’mey şîrîn bî
be şîr û xurma, ba engebîn bî
sebeb be suḧbet cîbre’îl, îlham
«kirh» řyaḧîn kerdebê ḧeram
ce pêş û ce pes dîdeş bîna bî
’ekis řoşnîş ne pêş çira bî
nehîş ce munker, emirş me’rûf bî
be dûsed û yek îsim mewsûf bî
ne sînin çîhîl ne qapîy ’udûl
weḧî û řîsalet perêş kerd nuzûl
ta bîst û sê sał kerd pêẍemberî
řewac da be ḧukim zat ekberî
ne şest û sê sał ’umirş bî temam
ḧukimş baqîyen ta «yum alqyamErebî»
xelqiş řeḧmeten perê ’alemîn
hem ewen xatem nebî û murselîn
ce xelq adem ta ḧîn xatem
xeylê enbya aman be řeqem
be’zêşan mestûr ayey qur’anen
mabaqî ce ’îlim zat yezdanen
cumle řesûlan ba weḧî û îlham
amîr bîn be ḧukim teblîẍ eḧkam
çwar kîtab çenî sed cełd ne suḧuf
tenzîlş kerdin ce zat ře’ûf
ḧeq adem ne erz kerd be xelîfe
řewan kerd perêş de cełd seḧîfe
penca seḧîfeş ’eta kerd be «şîsKes»
sîy cełd seḧîfe bexşa be îdrîs
de cełd seḧîfe ce bab celîl
tenzîl bî perê řîsaley xelîl
çwar kutub bizurg her çwar nasîx bî
her çwarş tekmîl ’îlim řasîx bî
tewrat mûsa, zebûr dawud,
încîl ’îsa, furqan meḧmûd
muḧemmed ne îns ne cîn řesûlen
ewweł şefa’et ce ew qubûłen
xatem cemî’ kutub furqanen
nasîx kunnidey cumle edyanen
tekmîl ne eḧkam ayey mecîden
îzafey qeses, we’d û we’îden
lefziş ne řumûz we’ziş mu’essîr
fesîḧ û belîẍ, diłkeş û cagîr
nazîlen ce ḧeq perê muḧemmed
terîq ḧeqîq şer’ kerd mucedded
ce sînf ’umûm enbyay kîbar
pencen «awlu al’izimErebî» ayey îftîxar
nûḧ û îbrahîm, mesîḧ û mûsa
pencem muḧemmed «xitim alanbya’Erebî»