rikin awil ’iqîdih dir tişihd awil
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
327 Dîtin
ewweł îsim zat bawer be xame
beyan keym erkan ’eqîde name
be tesdîq dił zuban gewahen
«wacb alucudErebî» zat ełłahen
nîşaney zatiş bê nîşanîyen
mekanş ne mułk bê mekanîyen
ce her dû sera me’bûd mutłeq
ẍeyr ce zat ełłah nîyen musteḧeq
ezel û ebed, bûd û baqîyen
ne řizq û ḧeyat ’alem saqîyen
meyliş bê manî’, zatiş bê çûnen
îcray umûrş «kin fîkunErebî»en
ce mîsil û ce şîrk, ce neqis û ce ’eyb
mubeřřan zatiş bê şîbih û lařeyb
’alemîn mezher her sîfatşen
hefit sîfet qedîm bestey zatşen
ḧeyat û ’îlim û kelam û qudret
bîna, şinewa, çenî îradet
be kulil ’alem ne her mumkînat
’îlimş nezdîkter ne ’îrq ḧeyat