تمثیل
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
344 مشاهده
یەک ڕۆ نیشتەبێ مالیک دینار
پەیدا بی یەک عەبد مەگرەوا بە زار
عەرز کەر نە حوزوور ئەو «ولیّ اللهعربی»
مەولای من هەردەم پێم مەدۆ جەفا
ئەر تۆ جە سەیید من کەی ئیلتیماس
جە دارو گیرش بەندە کەی خەلاس
شادم کەی بە لوتف قەباڵەی ئازاد
بێ شک بە ئەلتاف یەزدان مەبی شاد
وەی تەور دا جەواب ئەو ساحێب سولووک
بگێرە ئارام ئەی عەبد مەملووک
موجتەهید وەقت هۆرێزا وە پا
خڕید کەرد بە نەقد یەک عەبد سیا
«فی سبيل اللهعربی» ئەو شێخ ئیرشاد
دەرلەحزە ئەو عەبد خڕید کەرد ئازاد
سەحەرگەهـ خێزا شای ئیبنو دینار
سەیید ئەو عەبد مەعهوود کەرد ئیحزار
فەرماش ئەی فڵان داروون یەک ڕەجا
عەبدت ئازاد کەر «فی سبيل اللهعربی»
هەر کەس عەبد وێش بکەرۆ ئازاد
ئەو کەس جە مەحشەر مەگێرۆ موراد
دەر لەحزە ئەو مەرد بە خاتر گوشاد
عەبد مەملووکش نەوجا کەرد ئازاد
عەبد مەعهوودە کەردن مونادی
سپەردن پەنەش خەت ئازادی
هۆرێزا ئەو مەرد شی بە جاگەی وێش
عەبد پەی تەشەککور شێخ ئاما نە پێش
عەرز کەرد نە حوزوور شێخ موجتەهید
چ تەور کەردی ڕام مەرد موعانید
فەرماش پەی «اللهعربی» عەبد کەردم ئازاد
حەق جە وەعز من تەئسیر کەرد ئیجاد
«دەروێشتخلص» بە تەقوا یەقین بکەر پاک
ئەوسا بوانە مەوعیزەی ئیدراک