قصه‌ی مناقبه‌ی نقطه‌ی لقمان
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
1 دقیقه
361 مشاهده
یەک ڕۆ جە تۆی باغ سەیید لوقمان
خڕید کەرد میوە داش بە غوڵامان
ئەمرش کەرد بەران میوە پەی خانە
لوقمان چەنیشان هەم بی ڕەوانە
فاکیهە بی ئەکل جە حین عوبوور
«اصلاًعربی» نەکەرد ئەکل ئەو ساحێب شوعوور
جەودما ئوستاد ئاما پەی خانە
پەرسا جە میوە، نەبی نیشانە
تەفتیش میوە کەرد جە غوڵامان
غوڵامان واتن ئەکلش کەرد لوقمان
بە دیدەی غەزەب زەجر و ئیهانەت
ئەمرش کەرد لوقمان جە تۆن خیانەت
لوقمان وات بەو کەس تۆش کەردەن ئەمیر
من جە دەست غەیر کەردەن بە ئەسیر
نەقڵ غوڵامان جوملە بوهتانەن
ئەگەر تەحقیق کەی عەین ئیحسانەن
ئوستاد وات چ تەور تەحقیق مەبۆ کار
مەر بە زەرب چووب ببۆ ئاشکار
لوقمان وات بە حیلم بدەر ئیعانەت
ئاشکار مەبۆ سیدق و خیانەت
هەر یەک ئاب گەرم بنۆشە پێمان
«كلاعربی» بە ئەمرت مەکەریم دەوان
ئەمیر بەو دەستوور ئیجرا کەرد مەرام
جوملە کردن تی غوڵامان تەمام
لوقمان خەلاس بی نە هەر ئیفتیرا
باقیی غوڵامان یاوان بە جەزا